Projekti STEPS ka për qëllim ndërtimin e kapaciteteve të institucioneve të arsimit të lartë në vendet e Ballkanit Perëndimor, për t’i ndihmuar ata të ofrojnë kurrikula të harmonizuara me nevojat e tregut të punës dhe të shoqërisë. Objektivi i projektit është zhvillimi dhe zbatimi i një programi të ri të përbashkët MSc mbi “Sistemet e Prodhimit të Qëndrueshëm të Ushqimit” (STEPS), i cili do të lidhet me prioritetet kombëtare dhe rajonale të vendeve të përfshira.

Qëllimi i detyrave përgatitore është të analizojë nevojat e grupeve të interesit, strukturën dhe përmbajtjen e programeve relevante të MSc në nivel kombëtar, evropian dhe ndërkombëtar, si dhe të identifikojë dhe analizojë “praktikat më të mira” në lidhjet e arsimit me botën e punës, strategjitë kombëtare dhe shoqëritë rurale. Qëllimi është të plotësojë nevojat e palëve të interesit përmes zhvillimit të sfondit shkencor dhe kompetencave të të diplomuarve. Programi STEPS do të jetë një përzierje e kurseve të inxhinierisë, menaxhimit, shkencave ekonomike dhe sociale, të strukturuara sipas konventës së Bolonjës.

Kurset do të hartohen dhe zhvillohen bazuar në metodologjitë moderne të arsimit dhe mjetet e TIK. Seminare do të organizohen për transferimin dhe shkëmbimin e njohurive ndërmjet stafit, duke synuar përmirësimin e cilësisë së arsimit të ofruar nga IAL-të dhe gjithashtu kapacitetin e tyre për të inovuar dhe rritur pjesëmarrjen e tyre në projekte evropiane dhe ndërkombëtare. Programi i përbashkët do të aplikojë për akreditim në autoritetet dhe agjencitë kombëtare. Programi do të kryhet, monitorohet dhe vlerësohet, bazuar në standardet dhe udhëzimet e Zonës Evropiane të Arsimit të Lartë. Një fushatë për dizeminimin e projektit do të fokusohet në rritjen e ndërgjegjësimit të rezultateve të projektit dhe përhapjen e detyrave për të siguruar qëndrueshmërinë e tyre edhe pas jetës së projektit. Menaxhimi koherent me procese transparente dhe përgjegjësi të qarta të vendimmarrjes dhe zgjidhjes së konflikteve do të sigurojnë zbatimin e njëpasnjëshëm të projektit.